माहितीपट हे माध्यम कसल्याही कथानकाचा आधार न घेता, काल्पनिक गोष्टी टाळून त्याला जे म्हणायचं आहे ते थेट आपल्यासमोर पोहोचवतं. अमेरिकन निवडणूक प्रक्रिया मुळात इतकी किचकटआहे की त्यावरील सिनेमांपेक्षा माहितीपटांमधून ती अधिक चांगली कळू शकते.
मुळात चित्रपट क्षेत्र, मालिका इ गोष्टी लोकांचं मनोरंजन करायला असतात ही बाब मान्य, त्यातून मोठ्या प्रमाणावर नफा कमावण्याचे उद्दिष्ट ठेवणे ह्यातही काही गैर नाही. पण हे सुद्धा लक्षात घ्यायला हवं की ह्या क्षेत्रांचा व्याप खूप मोठा आहे आणि इथून निघालेल्या गोष्टींचा समाजमनावर खूप परिणाम होत असतो.
